ဒေါ်နယ်ထရန့်က FBI ညွန်ကြားရေးမှူးကို ရာထူးမှထုတ်ပယ်

အမေရိကန်သမ္မတ ဒေါ်နယ်ထရန့်က FBI ညွှန်ကြားရေးမှူးကို မေလ ၉ ရက်မှာ ရာထူးမှထုတ်ပယ်လိုက်ကြောင်း သိရပါတယ်။ သမ္မတထရန့်က FBI ညွှန်ကြားရေးမှူး ဂျိမ်းစ်ကွန်မီးရ်ကို ဟီလာရီကလင်တန်ရဲ့ အီးမေးလ်ကိစ္စကို ကိုင်တွယ်ဆောင်ရွက်မှုနဲ့ ပတ်သက်ပြီး ရာထူးမှထုတ်ပယ်လိုက်တာဖြစ်ကြောင်း သတင်းတွေက ဆိုပါတယ်။
ရှေ့နေချုပ်နဲ့ လက်ထောက်ရှေ့နေချုပ်တို့ရဲ့ ထောက်ခံမှုအရ ဂျိမ်းစ်ကို FBI ညွန်ကြားရေးမှူး ရာထူးကနေ ထုတ်ပယ်လိုက်ကြောင်း သမ္မတထရန့်က စာရေးသားပေးပို့ခဲ့ပါတယ်။ ဂျိမ်းစ်ကို ရာထူးမှထုတ်ပယ်လိုက်ကြောင်း သမ္မတအိမ်ဖြူတော်က ထုတ်ပြန်ကြေညာခဲ့မှုအပေါ် အမေရိကန်မှာ အံ့အားသင့်ခဲ့ကြကြောင်းလည်း သိရပါတယ်။ သမ္မတထရန့်ကတော့ ဂျိမ်းစ်ဟာ အလုပ်ကောင်းကောင်းမလုပ်ခဲ့တာကြောင့် ရာထူးကနေ ထုတ်ပယ်လိုက်တာဖြစ်ပြီး အလွန်ရိုးရှင်းပါတယ်လို့ တုံ့ပြန်ပြောထားပါတယ်။

ဒေါ်နယ်ထရန့်က FBI ညွန်ကြားရေးမှူး ဂျိမ်းစ်ကွန်မီးရ်ထံ ရေးသားပေးပို့သည့်စာ
FBI ညွန်ကြားရေးမှူး ဂျိမ်းစ် ထုတ်ပယ်ခံရခြင်းဟာ ၎င်းက ထရန့်ရဲ့မဲဆွယ်စည်းရုံးမှုနဲ့ ရုရှားအစိုးရကြား ဆက်နွယ်မှုတွေကို စုံစမ်းစစ်ဆေးခဲ့မှုကြောင့် ဖြစ်တယ်လို့ ဒီမိုကရက်တစ်တွေက ပြောပါတယ်။ ၎င်းကို ညွန်ကြားရေးမှူးအဖြစ်မှ ထုတ်ပယ်လိုက်ခြင်းကို ရုပ်မြင်သံကြားသတင်းမှာ မြင်တွေ့မှသာ သိခဲ့ရတယ်လို့ ဂျိမ်းစ်က FBI အေးဂျင့်တွေကို လော့စ်အိန်ဂျလိစ်မှာ ပြောခဲ့ပါတယ်။
ရုပ်မြင်သံကြားမှာ ၎င်းကို ရာထူးမှထုတ်ပယ်ကြောင်း သတင်းကိုတွေ့ခဲ့ရစဉ်က နောက်ပြောင်ကျီစယ်မှုလို့ပင် ထင်မှတ်ခဲ့ပြီး ရယ်ခဲ့မိသေးကြောင်းလည်း ဂျိမ်းစ်က ဆက်လက် ပြောပါတယ်။ အသက် ၅၆ နှစ်အရွယ် ဂျိမ်းစ်ဟာ ရာထူးမှထုတ်ပယ်ခံရချိန်မှာ FBI ညွှန်ကြားရေးမှူးသက်တမ်း ၁၀ နှစ်မှာ ၃ နှစ်ခွဲ တာဝန်ထမ်းဆောင်ခဲ့ပြီးဖြစ်ကြောင်း သိရပါတယ်။
အမေရိကန်သမိုင်းမှာ FBI အကြီးအကဲတစ်ဦးကို ထုတ်ပယ်မှုဟာ ရှားပါးလှပြီး ဂျိမ်းစ်ကိုထုတ်ပယ်မှု အပါအဝင် ဒုတိယအကြိမ်သာ ဖြစ်ပါတယ်။ FBI ညွှန်ကြားရေးမှူး အသစ်ခန့်အပ်ရ ချက်ချင်းဆောင်ရွက်သွားမယ်လို့ အိမ်ဖြူတော်က သတင်းထုတ်ပြန်ထားပါတယ်။
Source & Photo: AFP, AP
Credit: Duwun
http://www.lwinpyin.com/2017/05/daw-tump.html မှ ကူးယူဖော်ပြသည်။